Lið Ribe-Esbjerg. Íslendingarnir þrír eru framarlega á myndinni, Gunnar Steinn Jónsson, Daníel Þór Ingason og Rúnar Kárason. Mynd/Ribe Esbjerg

Danska meistaraliðið Aalborg Håndbold vann í dag sinn sjötta leik í dönsku úrvalsdeildinni þegar það lagði Skanderborg Håndbold, 29:26, á heimavelli. Arnór Atlason er aðstoðarþjálfari Álaborgarliðsins sem hefur ekki tapað leik í dönsku úrvalsdeildinni né í Meistaradeild Evrópu á keppnistímabilinu.

Rúnar Kárason skoraði sex mörk í níu skotum og átti þrjár stoðsendingar þegar Ribe-Esbjerg gerði jafntefli, 26:26, á heimavelli gegn SönderjyskE. Rúnar átti stoðsendinguna í jöfnunarmarkinu, 26:26, þegar hálf önnur mínúta var til leiksloka.

Gunnar Steinn Jónsson átti tvær stoðsendingar fyrir Ribe-Esbjerg en náði ekki að skora mark í fimm tilraunum. Daníel Þór Ingason hafði hægt um sig eins og Sveinn Jóhannsson leikmaður SönderjyskE.

SönderjyskE situr í fimmta sæti með sjö stig og Ribe-Esbjerg er í 11. sæti af 14 liðum með þrjú stig.

Staðan í dönsku úrvalsdeildinni.

- Auglýsing -

Nýjustu fréttir

- Auglýsing -