Skakkaföll hjá Stjörnunni – sterkir menn frá keppni

Patrekur Jóhannsson, þjálfari Stjörnunnar, og hans menn eru komnir í undanúrslit Coca Cola-bikarsins. Mynd/Egill Bjarni Friðjónsson

Tveir leikmenn Stjörnunnar missa af fyrstu mánuðum Íslandsmótsins í handknattleik vegna meiðsla. Örvhenta skyttan Pétur Árni Hauksson er að jafna sig á meiðlum í öxl og varnarmaðurinn sterki, Brynjar Hólm Grétarsson, er með brotið bátsbein og er á leið í aðgerð.


Patrekur Jóhannesson, þjálfari Stjörnunnar, sagði við handbolta.is að óvíst væri hvenær Pétur Árni verður klár í slaginn á nýjan leik. Ljóst væri þó að einhverjar vikur liði áður en hann fer að æfa með Stjörnunni. Aðgerð er um garð genginn.


Brynjar Hólm verður hugsanlega kominn af stað í lok október eða í byrjun nóvember gangi allt að óskum, að sögn Patreks.


Enn ríkir óvissa um það hvort Ólafur Bjarki Ragnarsson leikur með Stjörnunni í vetur. Hann fór í aðgerð vegna brjóskloss í sumar. Tíminn verður að leiða það í ljós hvort og þá hvenær Ólafur Bjarki verður leikfær á ný. Patrekur sagðist vona til að sjá Ólaf Bjarka á ný á leikvellinum í búningi Stjörnunnar.

- Auglýsing -

Nýjustu fréttir

- Auglýsing -