ÍBV lauk keppni í Olísdeild kvenna með sigri á deildarmeisturum Fram, 24:22, í Vestmannaeyjum í dag. Sigurinn var sanngjarn. ÍBV var með yfirhöndina frá upphafi til enda. Fram komst aldrei yfir og náði fyrst að jafna metin þegar 13 mínútur voru til leiksloka, 19:19.
Staðan að loknum fyrri hálfleik var 14:10, ÍBV í hag sem náði mest sjö marka forskoti, 13:6, eftir ríflega 22 mínútna leik. Slen var yfir Framliðinu framan af leiknum og á köflum mátti vel sjá að einbeitingin var ekki upp á það besta enda ekki að miklu að keppa fyrir liðið sem varð deildarmeistari á síðasta laugardag.
Síðari hálfleikur var mun betri hjá Framliðinu en engu að síður þá vantaði einhvern neista til þess að gera betur í jafnri stöðu undir lokin.
ÍBV er eftir sem áður í fjórða sæti og lýkur keppni með 25 stig. Hrafnhildur Hanna Þrastardóttir var afar öflug í leiknum. Svo virðist sem hún sé að nálgast sitt fyrra form og geti þar orðið til alls líkleg í úrslitakeppninni sem hefst undir mánaðarmót. Sunna Jónsdóttir kom ekkert við sögu.
Mörk ÍBV: Hrafnhildur Hanna Þrastarsdóttir 8, Elísa Elíasdóttir 6, Marija Jovanovic 4/4, Harpa Valey Gylfadóttir 3, Linda Cardell 2, Karolina Olszowa 1.
Varin skot: Erla Rós Sigmarsdóttir 7, 36,8% – Marta Wawrzykowska 4/1, 33,3%.
Mörk Fram: Þórey Rósa Stefánsdóttir 5, Perla Ruth Albertsdóttir 4, Steinunn Björnsdóttir 3, Karen Knútsdóttir 3, Tinna Valgerður Gísladóttir 2/1, Hildur Þorgeirsdóttir 1, Erna Guðlaug Gunnarsdóttir 1, Stella Sigurðardóttir 1, Emma Olsson 1.
Varin skot: Hafdís Renötudóttir 10/1, 32,3% – Írena Björk Ómarsdóttir 3, 50%.
Öll tölfræði leiksins er hjá HBStatz.
Þrír síðustu leikir Olísdeildar kvenna hefjast klukkan 16. Handbolti.is fylgist með gangi þeirra.
Handbolti.is fylgdist með leiknum í Vestmannaeyjum í stöðu- og textauppfærslu hér fyrir neðan.
