Skildu með skiptan hlut frá leiknum við Letta

U16 ára landslið kvenna við brottför frá Keflavík. Efri röð: Ingunn María Brynjarsdóttir, Ásrún Inga Arnarsdóttir, Kristbjörg Erlingsdóttir, Guðrún Hekla Traustadóttir, Dagmar Guðrún Pálsdóttir, Rakel Ágústsdótttir, Eva Gísladóttir, Elísabet Millý Elíasardóttir, Ágústa Rún Jónasdóttir. Neðri: Lydía Gunnþórsdóttir, Arna Karitas Eiríksdóttir, Herdís Eiríksdóttir, Ester Amíra Ægisdóttir, Sólveig Þórmundsdóttir, Þóra Hrafnkelsdóttir, Alexandra Ósk Viktorsdóttir.

Eftir stórsigur á landsliði Eistlands í fyrri leiknum í dag á Opna Evrópumótinu í handknattleik kvenna, skipað leikmönnum 16 ára og yngri, þá gerði íslenska landsliðið jafntefli við landslið Lettlands í kvöld, 17:17. Lettar voru marki yfir að loknum fyrri hálfleik, 11:10.


Næsti leikur Íslands verður í fyrramálið við færeyska landsliðið en Íslendingurinn Kristinn Guðmundsson er þjálfari færeyska liðsins. Færeyjar unnu Finnland í dag, 22:18, og var það fyrsti sigur færeysku stúlknanna á mótinu.


Mörk Íslands: Ester Amíra Ægisdóttir 4, Dagmar Guðrún Pálsdóttir 4, Þóra Hrafnkelsdóttir 2, Kristbjörg Eiríksdóttir 2, Rakel Dórothea Ágústsdóttir 2, Ágústa Rún Jónsdóttir 1, Arna Karítas Eiríksdóttir 1, Sólveig Þórmundsdóttir 1.


- Auglýsing -

Nýjustu fréttir

- Auglýsing -