F.v.: Inga Dís Jóhannsdóttir, Aníta Eik Jónsdóttir, Embla Steindórsdóttir og Alfa Brá Oddsdóttir Hagalín og leikmenn ungmennaliðs HK kræktu í eitt stig í kvöld. . Mynd/HK

ÍR og ungmennalið HK skildu jöfn í hörkuleik, 23:23, í annarri umferð Grill66-deildar kvenna í handknattleik í Austurbergi í kvöld. Þar með eru bæði lið komin á blað, með eitt stig hvort, eftir að hafa tapað viðureignum sínum í fyrstu umferð um síðustu helgi.


ÍR-ingar eru vafalaust vonsviknar yfir að hafa ekki hirt bæði stigin úr viðureigninni á heimavelli í kvöld eftir að hafa verið m.a. fjórum mörkum yfir að loknum fyrri hálfleik, 13:9.


Ksenija Dzaferovic og Auður Margrét Pálsdóttir voru atkvæðamestar hjá ÍR með með sex mörk hvor. Hjá HK var unglingalandsliðskonan Inga Dís Jóhannsdóttir atkvæðamikil. Hún skoraði rétt ríflega þriðjung marka liðsins.


Mörk ÍR: Ksenija Dzaferovic 6, Auður Margrét Pálsdóttir 6, Hildur María Leifsdóttir 5, Stefanía Ósk Hafberg 4, Laufey Lára Höskuldsdóttir 1, Matthildur Lilja Jónsdóttir 1.
Mörk HK: Inga Dís Jóhannsdóttir 8, Alfa Brá Oddsdóttir 4, Embla Steindórsdóttir 4, Margrét Guðmudsdóttir 4, Brynja Katrín Benediktsdóttir 1, Katrín Hekla Magnúsdóttir 1, Leandra Náttsól Salvamoser 1.

- Auglýsing -

Nýjustu fréttir

- Auglýsing -