Alex Máni Oddnýjarson og félagar í Fjölni gerðu jafntefli á heimavelli í dag. Mynd/Fjölnir - Þorgils

Leikmenn Fjölnis og Kríu skildu með skiptan hlut í hörkuskemmtilegum leik í Grill 66-deild karla í handknattleik í Dalhúsum síðdegis í dag, 27:27, eftir að Fjölnir hafði verið marki yfir að loknum fyrri hálfleik, 14:13.

Fjölnir færðist þar með upp að hlið ungmennaliðs Vals í öðru til þriðja sæti deildarinnar með 10 stig. Krían er skammt á eftir í fjórða sæti með níu stig og virðist til alls líkleg um þessar mundir. Víkingar sem unnu Vængi Júpíters á föstudagskvöldið eru sem fyrr einir í efsta sæti með 12 stig þegar efstu liðin fjögur hafa leikið sjö sinnum hvert.


Mörk Fjölnis: Elvar Otri Hjálmarsson 10, Brynjar Óli Kristjánsson 5, Viktor Berg Grétarsson 4, Aron Ingi Heiðmarsson 3, Alex Máni Oddnýjarson 2, Óðinn Freyr Heiðmarsson 1, Goði Ingvar Sveinsson 1, Jón Bald Freysson 1.
Mörk Kríu: Kristján Orri Jóhannsson 9, Gunnar Valur Arason 5, Vilhjálmur Geir Hauksson 3, Henrik Bjarnason 3, Hlynur Bjarnason 2, Egill Ploder Ottósson 1, Jóhann Kaldal Jóhannsson 1, Daði Laxdal Gautason 1, Árni Benedikt Árnason 1, Aron Valur Jóhannsson 1.

- Auglýsing -

Nýjustu fréttir

- Auglýsing -