Hannes Jón Jónsson, þjálfari Alpla Hard í Austurríki. Mynd/Alexandra Köß

Hannes Jón Jónsson og lærisveinar hans í austurríska meistaraliðinu Alpla Hard gerðu í kvöld jafntefli við Bregenz í rimmu grannliðanna í austurrísku 1. deildinni í handknattleik, 26:26. Liðin tvö eiga heimili nánast hlið við og ríkir mikill rígur þeirra á milli enda hafa þau lengi m.a. barist um sigurlaun í handknattleikskeppni í landinu.


Bregenz var fjórum mörkum yfir að loknum fyrri hálfleik, 15:11. Alpla Hard var með tveggja marka forskot, 26:24, þegar skammt var til leiksloka en leikmönnum Bregenz tókst að kreista út jafntefli á síðustu sekúndunum.


Liðin sitja í tveimur efstu sætum deildarinnar. Þau hafa fimm stig hvort eftir þrjá leiki.

- Auglýsing -

Nýjustu fréttir

- Auglýsing -