Skiptur hlutur í toppslag

Íslendingaliðið Volda gerði jafntefli, 23:23, við Ålgård í norsku B-deildinni í handknattleik kvenna í gær. Liðin eru þar með jöfn í efsta sæti ásamt Bærum. Hvert lið hefur fimm stig þegar þrjár umferðir eru að baki.

Volda-liðið sem Halldór Stefán Haraldsson þjálfar fjórða keppnistímabilið í röð var fimm mörkum undir á heimavelli að loknum fyrri hálfleik, 14:9. Liðið tókst að snúa við blaðinu í þeim síðari og ná öðru stiginu.

Sara Dögg Hjaltadóttir skoraði þrjú mörk fyrir Volda í tíu skotum.

Hilmar Guðlaugsson er aðstoðarþjálfari Volda en Hilmar þjálfaði lengi hjá HK og síðar á Selfossi áður en hann flutti til Noregs fyrir fáeinum árum ásamt fjölskyldu sinni. Í Noregi hefur Hilmar þjálfað nokkur lið en gekk til liðs við Volda í sumar.

Bærum Topphåndball

- Auglýsing -

Nýjustu fréttir

- Auglýsing -