Skrifaði undir þriggja ára samning við Stjörnuna

Hjálmtýr Alfreðsson, leikmaður Stjörnunnar, hefur samið við félagið til næstu þriggja ára. Mynd/Stjarnan

Hjálmtýr Alfreðsson hefur skrifað undir þriggja ára áframhaldandi samning við Stjörnuna og verður því áfram hjá sínu heimaliði næstu árin. Hjálmtýr er vinstri hornamaður og hefur spilað með meistaraflokki félagsins frá árinu 2011. Hann byrjaði að æfa fimm ára gamall. Ásamt því að vera leikmaður Stjörnunnar er hann aðalþjálfari 7. flokks karla.


„Hjálmtýr er fyrstur til að bjóða sig fram til að hjálpa félaginu og tekur að sér öll verkefni með bros á vör. Hjálmtýr er að klára mastersnám í klínískri sálfræði og það kemur ekki á óvart að hann er trúnaðarmaður leikmanna, enda erfitt að finna traustari mann,“ segir m.a. í tilkynningu frá Handknattleiksdeildar Stjörnunnar.

- Auglýsing -

Nýjustu fréttir

- Auglýsing -