Slapp við leikbann

Agnar Smári Jónsson hefur framlengt samning sinn við Val til tveggja ára. Mynd/Egill Bjarni Friðjónsson

Agnar Smári Jónsson, leikmaður Vals, verður gjaldgengur í fyrri undanúrslitaleiknum við ÍBV í Olísdeild karla sem fram fer í Vestmannaeyjum á þriðjudaginn. Agnar Smári fékk rautt spjald á 18. mínútu viðureignar Vals og KA í átta liða úrslitum á föstudagskvöld. Þótti ákvörðun dómaranna orka tvímælis en óttast var að Agnar Smári fengi eins leiks bann.

Dómarar leiksins, Svavar Ólafur Pétursson og Sigurður Hjörtur Þrastarson skiluðu inn skýrslu til aganefndar í framhaldinu. Meta þeir að brotið falli undir lið 8.5 b). Þar af leiðandi kemur til leikbanns.


„Dómarar meta að brotið falli undir reglu 8:5 b). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafast frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar,“ segir í niðurstöðu aganefndar sem lesa má í heild sinni á heimasíðu Handknattleikssambands Íslands.

- Auglýsing -

Nýjustu fréttir

- Auglýsing -