- Auglýsing -

Smit hjá Íslendingaliði

Steinunn Hansdóttir kom til Vensdsyssel á síðasta sumri. Mynd/Vendsyssel

Fjórir leikmennn og einn starfsmaður hjá danska úrvalsdeildarliðinu Vendsyssel Håndbold eru smitaðir af kórónuveirunni eftir því sem fram kemur í dönskum fjölmiðlum, m.a. Kanalfrederikshavn. Með Vendsyssel leika tvær íslenskar landsliðskonur, Elín Jóna Þorsteinsdóttir, markvörður, og Steinunn Hansdóttir, hornakona.

Ekki er greint frá hvaða leikmenn eru smitaðir. Af þessum sökum eru aðeins 11 leikmenn eftir á æfingum liðsins um þessar mundir en það mátti aftur hefja æfingar 3. desember. Íþróttahús félagsins var lokað í um mánaðartíma vegna meints kórónuveirusmits í minnkum á búum í nágrenni íþróttahússins.

Vendsyssel Håndbold kom upp í úrvalsdeildina fyrir þessa leiktíð eftir að hafa unnið næst efstu deild á síðasta tímabili. Því miður hefur ekki gengið sem best hjá liðinu fram til þessa. Það rekur lestina. Keppni hefst í dönsku úrvalsdeildinni í kvennaflokki rétt fyrir áramótin.

- Auglýsing -
- Auglýsing -

Nýjustu fréttir

- Auglýsing -