Smit í danska hópnum

Nikolaj Jacobsen landsliðsþjálfari Dana í handknattleik karla. Mynd/EPA

Danska handknattleikssamabandið tilkynnti í kvöld að tvö smit hafi komið upp undir kvöld innan danska landsliðshópsins sem kom saman í morgun í Herning en Danir mæta landsliði Sviss í undankeppni EM í Árósum á fimmtudaginn.

Ekki er um leikmenn að ræða heldur tvo starfsmenn landsliðsins en allir hópurinn fór í skimun í morgun við komuna til Herning. Á vef TV2 er haft eftir íþróttastjóra danska handknattleikssambandsins, Morten Henriksen, að mennirnir tveir sem um er að ræða hafi ekki verið nánu samneyti við leikmenn og þjálfara í dag. Þess vegna standi vonir til þess að smit frá þeim hafi ekki borist til leikmanna.

Henriksen segir að farið sé eftir ströngum reglum um sóttvarnir innan danska hópsins og m.a. verði allir að vera með grímur utan æfinga, gætt sé vel að fjarlægð og hreinlæti hvar sem er.

- Auglýsing -

Nýjustu fréttir

- Auglýsing -