Helena Rut Örvarsdóttir skorað níu mörk gegn ÍBV í dag. Mynd/Egill Bjarni Friðjónsson

Stjarnan er með fullt hús stiga á toppi Olísdeildar kvenna ásamt Val eftir sigur á KA/Þór í KA-heimilinu í dag, 23:21, í kaflaskiptum leik. KA/Þórs-liðið var sterkara í fyrri hálfleik og hafði tveggja marka forystu í hálfleik, 13:11. Seinni hálfleikur var eign Stjörnunnar. KA/Þór hefur þar með eitt stig eftir tvo fyrstu leikina í deildinni.


Leikmenn KA/Þórs hófu leikinn við Stjörnuna í KA-heimilinu í dag af miklum krafti. Þeir skoruðu þrjú af fyrstu fjórum mörkum og sjö af þeim fyrstu tíu áður en Stjarnan tók að draga á heimaliðið. Munurinn var kominn niður í eitt mark, 8:7, þegar sjö mínútur voru eftir af fyrri hálfleik. KA/Þórsliðinu tókst að ná áttum eftir áhlaupið og ná þriggja marka forskoti um skeið. Tveimur mörkum munaði í hálfleik, 13:11, KA/Þór í vil.


Stjarnan jafnaði og komst yfir í snemma í síðari hálfleik og virtist hafa náð undirtökunum þegar kom fram í miðjan síðari hálfleik með fjögurra marka forskoti, 21:17. Gestirnir gáfu ekkert eftir.

Eva Björk Davíðsdóttir kom Stjörnunni tveimur mörkum yfir, 23:21, úr vítakasti þegar fjórar mínútur voru til leiksloka. Næstu mínútur gekk hvorki né rak í sóknarleiknum á báða bóga, einkum var það bagalegt fyrir heimaliðið sem kepptist við að minnka muninn. Allt kom samt fyrir ekki. Mark Evu Bjarkar var síðasta mark leiksins og Stjarnan fagnaði góðum sigur í KA-heimilinu.


Rut Arnfjörð Jónsdóttir var markahæst hjá KA/Þór með sex mörk. Rakel Sara Elvarsdóttir og Martha Hermannsdóttir skoruðu fjögur mörk hvor.
Matea Lonac átti góðan leik í marki KA/Þórs. Hún varði 16 skot og var með 41% hlutfallsmarkvörslu.

Helena Rut Örvarsdóttir átti stórleik hjá Stjörnunni. Hún skoraði 10 mörk. Sólveig Lára Kjærnested var næst með fimm mörk og Eva Björk Davíðsdóttir skoraði fjórum sinnum.

- Auglýsing -

Nýjustu fréttir

- Auglýsing -