Díana Dögg Magnúsdóttir í leik með BSV Sachsen Zwickau. Mynd/BSV Sachsen Zwickau

Eftir tap um síðustu helgi þá komust Díana Dögg Magnúsdóttir og samherjar hennar í  BSV Sachsen Zwickau á ný inn á sigurbraut í dag þegar liðið mætti toppliðinu, SG H2Ku Herrenberg, í Zwickau í 2. deild þýska handknattleiksins. Lokatölur 31:29 en gestirnir í Herrenberg voru með tveggja marka forskot eftir fyrri hálfleik, 16:14.

Díana Dögg átti aðeins eitt markskot í leiknum og það endaði ekki í markinu. Hún lék ekki mikið með framan af en stóð í eldlínunni undir lok leiksins þegar mestu máli skipti að halda einbeitingu. Díana Dögg átti þrjár stoðsendingar sem skiluðu mörkum á lokakaflanum og það var þungt á metunum. Sigurinn var aðalatriðið þegar upp var staðið.

BSV Sachsen Zwickau er þar með í fjórða sæti deildarinnar með átta stig eftir fimm leiki. SG H2Ku Herrenberg er enn í efsta sæti með 10 stig eftir sex leiki. Füchse Berlin er með níu stig og Solingen átta eins Zwickau-liðið.

Næsti leikur hjá Díönu og samherjum í deildinni verður á móti Kirchhof á heimavelli eftir viku.

- Auglýsing -

Nýjustu fréttir

- Auglýsing -