Snýr heim í Grafarvog eftir veru í Garðabæ

Goði Ingvar Sveinsson ásamt Jarþrúði Hönnu Jóhannsdóttur varaformanni handknattleiksdeildar Fjölnis. Mynd/Fjölnir

Goði Ingvar Sveinsson hefur ákveðið að ganga á ný til liðs við Fjölni en hann skipti yfir til Stjörnunnar fyrir ári síðan. Hann festi þó ekki rætur hjá Garðabæjarliðinu og var lánaður til Fjölnis snemma á þessu ári og lék með liðinu í Grill66-deildinni út leiktíðina.


Nú hefur Goði Ingvar skrifað undir tveggja ára samning við Fjölni. Hann þekkir afar vel til hjá félaginu enda lék hann með liði þess upp alla yngri flokka félagsins og upp í meistaraflokk og var m.a. í liði Fjölnis sem lék í Olísdeildinni keppnistímabilið 2019/2020.


„Það gleður okkur Fjölnisfólk mikið að sjá öfluga leikmenn snúa aftur heim í Voginn og án efa mun mikið mæða á Goða á næsta tímabili í baráttunni um að komast aftur í efstu deild,“ segir m.a. í tilkynningu frá handknattleiksdeild Fjölnis.

- Auglýsing -

Nýjustu fréttir

- Auglýsing -