Björgvin Páll Rúnarsson t.v. og Jarþrúður Hanna Jóhannsdóttir, varaformaður handknattleiksdeildar Fjölnis. Mynd/Fjölnir

Skyttan og leikstjórnandinn Björgvin Páll Rúnarsson hefur ákveðið að snúa til baka í Fjölni eftir að hafa leikið með ÍR í Olísdeildinni á síðasta ári.

Björgvin Páll þekkir vel til hjá Fjölni. Hann lék upp yngri flokka liðsins og var í stóru hlutverki hjá meistaraflokki 2014 og var m.a. í liði félagsins sem lék í Olísdeildinni leiktíðirnar 2017/2018 og aftur 2019/2020.

„Björgvin kemur inn í mjög ungt og efnilegt lið með mikla leikreynslu og hungur í að koma liðinu aftur í deild þeirra bestu.


Við Fjölnismenn bíðum spennt eftir að fá að sjá þennan frábæra leikmann aftur á parketinu í Dalhúsum á komandi tímabili,“ segir í tilkynningu frá handknattleiksdeild Fjölnis.

Fjölnir leikur í Grill 66-deildinni á næsta keppnistímabili.

- Auglýsing -

Nýjustu fréttir

- Auglýsing -