Söfnun Fram til styrktar Ingunni og dóttur gekk vel

Mynd/Hafliði Breiðfjörð

Í tengslum við leik Fram og Víkings í Olísdeild karla á dögunum var efnt til söfnunar til styrktar Ingunni Gísladóttur og dóttur hennar til þess að standa straum af aðgerð sem dóttir Ingunnar gekkst undir til að ráða bót á sjúkdómi sem hún hefur glímt við. Ingunn hefur um árabil verið í ötullu sveit sjálfboðaliða Fram.


Ákveðið var að allur aðgangseyrir að leiknum rynni til Ingunnar auk þess sem uppboð var á landsiðspeysu Karenar Knútsdóttir, leikmanns Fram. Einnig voru frjáls framlög vel þegin.
Fram segir frá á Facebooksíðu handknattleiksdeildarinnar að safnast hafi ríflega 700 þúsund kr.


„Ég er orðlaus yfir því hvað Frammarar, leikmenn annara liða, stuðningsmenn og vinir og ættingjar, lögðust á eitt til að hjálpa okkur. Leikmenn Víkings, eftirlitsmaður, dómarar og íþróttafréttamenn borguðu sig allir inn á leikinn til að styrkja okkur.


Þessir styrkir og stuðningur er okkur mæðgum ómetanlegur.


Við þökkum ykkur öllum sem lögðu hönd á plóg alveg kærlega fyrir ykkar framlag og stuðning ❤,” er haft eftir Ingunni á Facebook-síðu Fram.

- Auglýsing -

Nýjustu fréttir

- Auglýsing -