Rúmlega átta mánuðir liðu á milli leikja hjá A-landsliði karla í handknattleik á þessu ári sem eru aðeins örfáir daga eru eftir af. Frá því að liðið lék sinn sjöunda og síðasta leik á EM2020 í Svíþjóð liðu rúmlega átta mánuðir þar til landsliðið kom saman aftur og mætti Litháen í undankeppni EM2022 í undankeppni EM 4. nóvember. Á þessa staðreynd er bent á mbl.is í morgunsárið.
Ekki hefur lengra liðið á milli leikja síðan landsliðið kom saman í febrúar 1964 til vináttuleikja fyrir HM sem fram fór í Tékkóslóvakíu í mars 1964. Þá leið ár á milli landsleikja. Síðan er liðin 56 ár.
Íslenska karlalandsliðið átti að koma saman í júní á þessu ári til leikja við landslið Sviss í undankeppni HM. Leikirnir voru felldir niður vegna kórónuveirufaraldursins. Íslenska landsliðið fékk sendan farseðilinn á HM í Egyptalandi með þeim rökum að liðið hefði náð betri árangri en Sviss á EM2020 sem haldið var í Svíþjóð, Noregi og í Austurríki.
Ennþá lengra er liðið síðan kvennalandsliðið lék síðast en það hefur ekki leikið opinberan leik síðan í lok nóvember á síðasta ári þegar það mætti landsliði Færeyja í vináttuleikjum. Þar áður lék kvennalandsliðið í undankeppni EM í lok september er það sótti Króata heim og mætti í kjölfarið franska landsliðinu hér heima. Króatar slógu í gegn á nýafstöðnu EM kvenna í Danmörk og hafnaði í þriðja sæti. Frakkar léku til úrslita gegn Norðmönnum en töpuðu.
Til stendur að kvennalandsliðið komi næst saman upp úr miðjum mars til þátttöku í forkeppni heimsmeistaramótsins. Keppnin átti að fara fram í byrjun desember er var seinkað.
Sjá nánar umfjöllun mbl.is.
