Sóttu ekki gull í greipar Harðar

Mynd/Egill Bjarni Friðjónsson

Fámenn sveit Berserkja sótti ekki gull í greipar leikmanna Harðar í íþróttahúsið Torfnesi á Ísafirði í kvöld. Þeir máttu sætta sig við talsverðan skell því Harðarmenn gáfu ekki þumlung eftir enda þekktir fyrir blússandi sóknarbolta.

Enda fór svo að Hörður skoraði 38 mörk á sama tíma og Berserkir skoruðu 22. Staðan að loknum fyrir hálfleik var 20:13, Herði í hag.


Hörður færðist með sigrinum skrefi nær ÍR sem er í efsta sæti. Harðarmenn hafa 24 stig eins og Fjölnismenn. Hvort lið hefur leikið 15 leiki. ÍR er tveimur stigum og einum leik fyrir ofan. Það er því ljóst að ekki dregur úr spennunni í Grill66-deildinni nú þegar liðin eru að komast inn á endasprettinn. Þórsarar eiga einnig möguleika á að blanda sér í baráttuna á toppnum en eitt lið fer beint upp í Olísdeild í vor. Önnur taka sæti í umspili.


Mörk Harðar: Jón Ómar Gíslason 8, Óli Björn Vilhjálmsson 7, Guntis Pilpuks 6, Elías Ari Guðjónsson 4, Tadeo Salduna 3, Mikel Arista Arnilibia 3, Ásgeir Óli Kristjánsson 2, Daníel Wale Adeleye 2, Guðmundur Brynjar Björgvinsson 1, Suguru Hikawa 1, Sudario Eidur Carneiro 1.


Mörk Berserkja: Marinó Gauti Gunnlaugsson 9, Sigurður Páll Matthíasson 6, Ari Freyr Jónsson 2, Þorri Starrason 2, Magnús Hallsson 1, Andri Már Tryggvason 1, Arnar Már Ásmundsson 1.


Stöðu og næstu leiki í Grill66-deild karla er að finna hér.

- Auglýsing -

Nýjustu fréttir

- Auglýsing -