Eftir 13. og næst síðustu umferð Olísdeildar kvenna í handknattleik í gær er ljóst að hreinn úrslitaleikur fer fram um deildarmeistaratitilinn á laugardaginn 8. maí þegar Fram og KA/Þór mætast í Framhúsinu í Safamýri klukkan 13.30. Liðin eru jöfn að stigum, með 20 hvort, eftir 13 leiki.
KA/Þór vann fyrri viðureign liðanna í deildinni, 27:23, 30. janúar í KA-heimilinu. Þar af leiðandi verður KA/Þór deildarmeistari ef liðin skilja jöfn og vitanlega er KA/Þór vinnur leikinn. Fram verður að vinna til þess að verða deildarmeistari annað árið í röð.
Efstu tvö liðin taka ekki þátt í fyrstu umferð úrslitakeppninnar. Sex efstu lið Olísdeildarinnar taka þátt í úrslitakeppninni. Í fyrstu umferð mæta liðin í þriðja og sjötta sæti annarsvegar og fjórða og fimmta sæti hinsvegar. Sigurliðin fara í undanúrslit ásamt KA/Þór og Fram.
Einnig er barátta um röðina í þriðja, fjórða, fimmta og sjötta sætið og þar af leiðandi um heimaleikjarétt í fyrstu umferð úrslitakeppninnar.
Leikir í 14. og síðustu umferð – laugardaginn 8. maí:
Framhús: Fram – KA/Þór.
Origohöllin: Valur – HK.
Vestmannaeyjar: ÍBV – FH.
Ásvellir: Haukar – Stjarnan.
Allir leikir hefjast kl. 13.30.
Staðan:
