Spjöldin strikuð út

Þorvar Bjarmi Harðarson, dómari, sýndir, bláklæddum Framara, Stefáni Darra Þórssyni, bláa spjaldið - útilokun. Spjaldið var dregið til baka. Mynd/Egill Bjarni Friðjónsson.

Rautt spjald og í framhaldinu blátt spjald sem Stefán Darri Þórsson leikmaður Fram fékk í viðureign liðsins við KA í Olísdeild karla í handknattleik á föstudaginn var dregið til baka af dómurum leiksins, Árna Snæ Magnússyni og Þorvari Bjarma Harðarsyni. Stefán Darri mun þar af leiðandi hvorki fara í leikbann né fá refsistig í kladdann.

Þetta kemur fram í úrskurði aganefndar HSÍ frá í gær og var birtur í dag. Í honum segir m.a. „Í agaskýrslu frá dómurum kemur fram að við endurmat á atvikinu hafi þessi ákvörðun verið röng og rauða spjaldið því dregið til baka.“

Sólveig Lára Kristjánsdóttir leikmaður KA/Þórs, sem einnig fékk rautt spjald í fyrstu umferð verður ekki í leikbanni þegar KA/Þór fær Stjörnuna í heimsókn í annarri umferð Olísdeildar kvenna laugardaginn. Athygli hennar er hinsvegar vakin á „stighækkandi áhrifum útilokana vegna slíkra brota, skv. 2. mgr. 11. sömu reglugerðar,“ eins og segir í úrskurði Aganefndar HSÍ.

Úrskurður aganefndar HSÍ, 15. september 2020.

- Auglýsing -

Nýjustu fréttir

- Auglýsing -