Standa afar vel að vígi í Sviss

Harpa Rut Jónsdóttir, varð í dag svissneskur meistari með LK Zug. Mynd/heimasíða LK Zug

Akureyringurinn Harpa Rut Jónsdóttir og stöllur hennar í LK Zug standa orðið afar vel að vígi í kapphlaupinu um meistaratitilinn í handknattleik kvenna í Sviss eftir að liðið vann LC Brühl í kvöld, 24:22, á heimavelli eftir að hafa verið tveimur mörkum undir að loknum fyrri hálfleik, 12:10.

LK Zug hefur þar með tvo vinninga en LC Brühl engan. Þriðja viðureign liðanna verður á heimavelli Brühl á mánudaginn, öðrum degi hvítasunnu.


Harpa Rut náði ekki að skora í leiknum í kvöld. Lið hennar hóf leikinn illa í kvöld og var þremur til fjórum mörkum undir nær allan fyrri hálfleikinn. Í síðari hálfleik small gríðarsterk vörn liðsins saman og þar með tókst að brjóta lið LC Brühl á bak aftur.

a>
- Auglýsing -

Nýjustu fréttir

- Auglýsing -