Stefán flytur suður yfir heiðar

Stefán Árnason t.v. ásamt Hauki Sigurvinssyni formanni meistaraflokksráðs karla hjá Aftureldingu þegar þeir handsöluðu samkomulag um ráðningu Stefáns til félagsins. Mynd/Afturelding

Afturelding hefur samið við handknattleiksþjálfarann Stefán Rúnar Árnason eftir því sem segir á Facebook-síðu deildarinnar í dag. Stefáni er ætlað að verða Gunnari Magnússyni þjálfara meistaraflokksliðs karla til halds og trausts en einnig á hann að þjálfa yngri flokka handknattleiksdeildar Aftureldingar.


Stefán hefur á síðustu árum þjálfað hjá KA, aðallega yngri flokka með góðum árangri, en einnig meistaraflokk karla frá 2017 til 2019.


Stefán þjálfaði meistaraflokkslið karla hjá Selfossi 2015 til 2017 og undir hans stjórn fór Selfoss upp í Olísdeildina vorið 2016.


Einnig hefur Stefán þjálfað yngri flokka hjá ÍBV og á Selfossi.


Á dögunum varð 4. flokkur karla KA, eldra ár, Íslandsmeistari undir stjórn Stefáns og yngra árið hlaut silfurverðlaun. Stefán er með BS gráðu í íþróttafræði frá HÍ.

- Auglýsing -

Nýjustu fréttir

- Auglýsing -