Stefán ráðinn til ÍR

Stefán Arnarson tekur við starfi íþróttastjóra ÍR 6. janúar. Mynd/ÍR

Handknattleiksþjálfarinn sigursæli, Stefán Arnarson, hefur verið ráðinn íþróttastjóri ÍR. Þetta kemur fram í tilkynningu félagsins í morgun.

Stefán hefur undanfarin ár verið íþróttastjóri KR samhliða því að þjálfa nokkur af sigursælustu handknattleiksliðum landsins í kvennaflokki. Um þessar mundir þjálfar hann kvennalið Fram sem situr í efsta sæti Olísdeildar kvenna.

Stefán er með B.A- próf í tómstunda- og félagsmálafræði frá Háskóla Íslands og hefur starfað innan íþróttahreyfingarinnar í yfir tvo áratugi. Hann hefur störf hjá ÍR 6. janúar.

- Auglýsing -

Nýjustu fréttir

- Auglýsing -