Stefán Rafn gjaldgengur í Eyjum – Árni tekur út bann

Mynd/Ívar

Stefán Rafn Sigurmansson verður gjaldgengur með Haukum þegar liðið sækir ÍBV á morgun þegar liðin mætast öðru sinni í undanúrslitum Olísdeildar karla í handknattleik í Vestmannaeyjum. Stefán Rafn fékk rautt spjald annan leikinn í röð þegar Haukar og ÍBV lék á Ásvöllum á sunnudaginn.



Á fundi aganefndar HSÍ í gær var niðurstaðan sú að teknu tilliti til skýrslu dómara að ekki skuli aðhafst frekar vegna málsins en vakin er athygli á stighækkandi áhrifum útlokana vegna slíkra brota.


Árni Stefánsson þjálfari hjá HK verður hinsvegar að bíta í það súra epli að taka út eins leiks keppnisbann. Árni hlaut útilokun með skýrslu vegna „grófrar óíþróttamannslegrar framkomu í leik Fram og HK í 3. flokki karla þann 28.04.2022,“ eins og segir í úrskurði aganefndar.



„Dómarar meta að brotið falli undir reglu 8:10 a). Með tilvísun í 10. gr. reglugerðar HSÍ um agamál er það niðurstaða aganefndar að þjálfarinn er úrskurðaður í eins leiks bann. Aganefnd vekur jafnframt athygli á stighækkandi áhrifum leikbanna, skv. 1. mgr. 11. gr. sömu reglugerðar,“ segir í úrskurðinum.


Úrskurð aganefndar HSÍ í gær er hægt að nálgast hér.

- Auglýsing -

Nýjustu fréttir

- Auglýsing -