- Auglýsing -

Stefnt á tvennu í KA-heimilinu og á Reykjavíkurslag í Framhúsinu

Mynd/Egill Bjarni Friðjónsson

Í mörg horn er að líta hjá mótanefnd HSÍ um þessar mundir. Frá áramótum hefur hverjum leiknum á fætur öðru verið frestað, flestum vegna covid en öðrum vegna ófærðar. Um síðustu helgi stóð til KA og ÍBV mættust í Olísdeild karla í KA-heimilinu og KA/Þór og ÍBV mættust í Olísdeild kvenna. Öðrum leiknum var frestað á elleftu stundu vegna ófærðar en honum vegna veirunnar sem gert hefur mörgum gramt í geði um langt skeið.


Nú hefur hefur verið á ákveðið að leikirnir sem að ofan getur farið fram í KA-heimilinu miðvikudaginn 23. febrúar, eftir því sem mótanefnd HSÍ greindi frá í tilkynningu fyrir stundu.


Stefnt er á að viðureign KA/Þórs og ÍBV hefjist klukkan 16 þennan dag og að karlalið KA og ÍBV leiði saman hesta sína tveimur stundum síðar. Harla óvenjulegt er að leikið sé klukkan 16 á virkum degi, en óvenjulegar aðstæður kalla á að það verði reynt að þessu sinni.


Þar með er ekki öll sagan sögð því ákveðið hefur verið einnig að flauta til leiks í Framhúsinu þennan umrædda dag, miðvikudaginn 23. febrúar. Þá verður þess freistað að hefja og ljúka viðureign Fram og Vals í Olísdeild karla. Þeim leik hefur oftar en einu sinni verið frestað að undanförnu. Gangi allt eftir verða eiga menn að vera reiðubúnir til leiks klukkan 20 í Framhúsinu.

Uppfært: Fjórði leikurinn hefur verið ákveðinn þennan ágæta dag. Þar er um að ræða viðureign Fram og Stjörnunnar. Hún verður í Framhúsinu klukkan 18, tveimur stunum áður en Reykjavíkurslagurinn hefst.


Nú er bara að krossa fingur og vona að veðurguðirnir verði hagstæðir, svo ekki sé talað kórónuveiran haldið sé til hlés.

- Auglýsing -
- Auglýsing -

Nýjustu fréttir

- Auglýsing -