- Auglýsing -
Danska úrvalsdeildarliðið Vendsyssel tilkynnti í morgun að Steinunn Hansdóttir og Elín Jóna Þorsteinsdóttir, leikmenn liðsins, væru í íslenska landsliðshópnum í handknattleik sem tilkynntur verður á næstunni.
Til stendur að kvennalandsliðið komi saman til æfinga í kringum næstu mánaðarmót. Eftir því sem næst verður komist stendur ekki fyrir dyrum að leika vináttuleiki að þessu sinni. Æfingabúðirnar verða til undirbúnings fyrir þátttöku landsliðsins í forkeppni heimsmeistaramótsins sem á að reyna að halda í Skopje í Norður-Makedóníu fyrstu helgi desembermánaðar.
- Auglýsing -
