- Auglýsing -
Markvörðurinn Axel Hreinn Hilmisson hefur skrifað undir nýjan tveggja ára samning við Fjölni. Axel er tvítugur markmaður sem hefur leikið upp alla yngri flokka félagsins og var meðal annars lykilmaður í 3. flokki sem varð Íslands- og bikarmeistari fyrir tveimur árum.
Axel Hreinn lék stórt hlutverk í liði Fjölnis á leiktíðinni. Fjölnir hafnaði í þriðja sæti í Grill 66-deildinni en tapaði naumlega eftir oddaleik fyrir Kríu í undanúrslitum um sæti í Olísdeildinni á næstu leiktíð.
„Við Fjölnismenn hlökkum til að sjá hann vaxa næstu tímabil þar sem þarna er á ferðinni mjög efnilegur markmaður sem liðið treystir á í baráttunni um að komast aftur í efstu deild,“ segir í tilkynningu sem handknattleiksdeild Fjölnis sendi frá sér.
- Auglýsing -
