Sunna Jónsdóttir, handknattleikskona með ÍBV. Mynd/ÍBV

„Þetta var ótrúlega sterkur sigur hjá okkur og frábær stemning í liðinu í flottum leik,“ sagði Sunna Jónsdóttir, leikmaður ÍBV, í samtali við handbolta.is í gær eftir eins marks sigur ÍBV á Val í Olísdeild kvenna, 21:20, í Origohöllinni.


„Svo var gaman að hafa áhorfendur á leik. Það verður gott að fara í Herjólf með sigur,“ sagði Sunna sem sá fram á siglingu frá Þorlákshöfn síðdegis í gær í nokkrum sjógangi.


ÍBV hefur tapað leikjum með eins marks mun á síðustu viku vikum. Í ljósi þess var sterkt fyrir liðið að snúa þeirri þróun við með því að halda báðum stigunum gegn Valsliðinu sem gerði harða hríð á að ÍBV á síðustu sekúndum viðureignarinnar.

„Við töpuðum fjórum leikjum í röð eftir áramótinu með einu marki. Það er mjög andlega erfitt en höfum unnið vel í okkar málum og munum gera áfram. Við erum með sterkt lið. Varnarleikur okkar var frábær í dag og Marta Wawrzykowska fór á kostum í markinu. Við fundum réttu lausnirnar sókninni þótt ekki hafi verið mikið skorað,“ sagði Sunna Jónsdóttir, landsliðskona og leikmaður ÍBV.

- Auglýsing -

Nýjustu fréttir

- Auglýsing -