Jón Karl Einarsson, skoraði 13 mörk fyrir ungmennalið Hauka gegn Herði. Mynd/Eyjólfur Garðarsson

Ungmennalið Selfoss og Hauka skildu með skiptan hlut í viðureign sinni í Grill 66-deild karla í handknattleik í Hleðsluhöllinni á Selfossi í kvöld, 25:25. Haukar voru sterkari í fyrri hálfleik og voru að honum loknum með fjögurra marka forskot, 12:8. Leikmenn Selfoss voru ákveðnir í síðari hálfleik, unnu upp forskot Hauka og kræktu í annað stigið.


Ungmennalið Hauka hefur veikst aðeins eftir að næst markahæsti leikmaður Grill 66-deildarinnar, Guðmundur Bragi Ástþórsson, var um mánaðarmótin lánaður til Aftureldingar. Jón Karl Einarsson var atkvæðamestur Hauka í kvöld. Hann skoraði níu mörk. Selfyssingar voru afar jafnir í markaskorun en Andri Dagur Ófeigsson var þeirra atkvæðamestur með fimm mörk.


Liðin eru í sjötta og sjöunda sæti deildarinnar. Haukar hafa sjö stig en Selfoss sex.


Mörk Selfoss U.: Andri Dagur Ófeigsson 5, Arnór Logi Hákonarson 3, Ísak Gústafsson 3, Guðjón Baldur Ómarsson 3, Vilhelm Freyr Steindórsson 3, Tryggvi Sigurberg Traustason 3, Gunnar Floti Grétarsson 2, Sölvi Svavarsson 1, Hannes Höskuldsson 1, Elvar Elí Hallgrímsson 1.
Mörk Hauka U.: Jón Karl Einarsson 9, Róbert Snær Örvarsson 5, Jakob Aronsson 4, Arnar Ingi Guðmundsson 2, Ari Sverrir Magnússon 2, Þorfinnur Máni Björnsson 2, Steinn Kári Pétursson 1.

- Auglýsing -

Nýjustu fréttir

- Auglýsing -