Darija Zečević stendur á milli stanganna í marki Stjörnunnar á komandi keppnistímabili. Mynd/Stjarnan


Markvörðurinn Darija Zecevic hefur skrifað undir tveggja ára samning við Stjörnuna. Hún kemur frá ÍBV þar sem hún hefur verið undanfarin tvö ár. Zecevic er 23 ára og er frá Svartfjallalandi, og lék á sínum tíma með öllum yngri landsliðum heimalandsins.


Zecevic byrjaði átta ára gömul að æfa og leika handknattleik hjá Buducnost, sem er stærsta liðið í Svartfjallalandi og þaðan sem flestar landsliðskonur Svartfjallalands koma. Upp úr tvítugu fór Zecevic til Slóveníu og lék í eitt ár með Koper áður en hún flutti til Vestmannaeyja fyrir tveimur árum.

Zecevic tók þátt í öllum leikjum ÍBV á síðasta keppnistímabili en stóð í skugganum af Marta Wawrzynkowska, hinum markverði liðsins.

- Auglýsing -

Nýjustu fréttir

- Auglýsing -