Ekki tókst föllnum ÍR-ingum að gera Stjörnumönnum skráveifu er lið þeirra leiddu saman hesta sína í 18. umferð Olísdeildar karla í handknattliek í TM-höllinni í kvöld. Eins og við mátti búast þá var Stjörnuliðið mikið sterkara og vann með tíu marka mun, 33:23.
Stjarnan var fimm mörkum yfir í hálfleik, 16:11, eftir að illa hafði gengið að hrista ÍR-inga af sér. Það tókst í síðari hálfleik þótt ekki hafa Stjarnan verði með allra vöskustu sveit sína í leiknum. Markverðir Stjörnunnar vörðu vel og sóknarmenn liðsins nýttu sér það til þess að hlaupa hvert hraðaupphlaupið á fætur öðru.
Mörk Stjörnunnar: Starri Friðriksson 7/3, Dagur Gautason 6/1, Björgvin Þór Hólmgeirsson 4, Pétur Árni Hauksson 4, Hafþór Már Vignisson 4, Brynjar Hólm Grétarsson 4, Leó Snær Pétursson 3, Hrannar Bragi Eyjólfsson 1.
Varin skot: Adam Thorstensen 15, 46,9% – Sigurður Dan Óskarsson 7, 53,8%.
Mörk ÍR: Gunnar Valdimar Johnsen 8/3, Hrannar Ingi Jóhannsson 5, Bjarki Steinn Þórisson 5, Dagur Sverrir Kristjánsson 3, Sveinn Brynjar Agnarsson 1, Halldór Ingi Hlöðversson 1.
Varin skot: Ólafur Rafn Gíslaon 12, 26,7%.
Öll tölfræði leiksins hjá HBStatz.
