Stórleiknum frestað

Bikarmeistarar Fram fá ekki topplið ÍBV í heimsókn í dag eins og til stóð. Mynd/HSÍ

Viðureign Fram og ÍBV sem fram átti að fara í Olísdeild kvenna í Framhúsinu í dag hefur verið frestað. Hrannar Hafsteinsson, móta,- og viðburðastjóri Handknattleikssambands Íslands, staðfesti þetta við handbolta.is fyrir stundu.


Ástæðan mun vera sú að áætlun Herjólfs var breytt í morgun. Hvort það kom mönnum í opna skjöldu eða ekki þá er það uppgefin ástæða fyrir frestun. Alltént verður ekkert af stórleik deildarinnar í dag á milli toppliðsins, ÍBV, og Íslands,- og bikarmeistara Fram sem átti að hefjast klukkan 14.30.

Annar leikdagur hefur ekki verið ákveðinn. Þrír leikir verða þar með á dagskrá Olísdeildar í dag. Næsta umferð verður leikin á þriðjudagskvöld.
Origo-höllin: Valur – Stjarnan kl. 13.30.
Kórinn: HK – FH kl. 13.30.
Schenker-höllin: Haukar – KA/Þór kl. 16.
Framhús: Fram – ÍBV – frestað.

- Auglýsing -

Nýjustu fréttir

- Auglýsing -