Stórsigur í Zwickau

Díana Dögg Magnúsdóttir í leik með BSV Sachsen Zwickau. Mynd/BSV Sachsen Zwickau

Díana Dögg Magnúsdóttir og samherjar hennar í BSV Sachsen Zwickau unnu í dag stórsigur á HSG Freiburg á heimavelli, 21:13, í þýsku 2.deildinni í handknattleik, annarri umferð. Í hálfleik benti fátt til að sigurinn yrði svo stór sem raun ber vitni þar sem Freiburg var marki yfir, 8:7.

Díana Dögg og samherjar sneru hinsvegar blaðinu við í síðari hálfleik á hressilegan hátt. Lokuðu vörninni og leikmenn Freiburg komust hvorki lönd né strönd. Díana Dögg skoraði eitt mark í leiknum en átti sex skot að marki.

BSV Sachsen Zwickau er í hópi efstu liða deildarinnar með fjögur stig að loknum tveimur leikjum.

- Auglýsing -

Nýjustu fréttir

- Auglýsing -