- Auglýsing -
Andrea Jacobsen og samherjar í Kristianstad eru úr leik í 8-liða úrslitum um sænska meistaratitilinn eftir skell í þriðja leiknum við Skara HF í dag, 36:16. Eftir tap í tveimur fyrstu leikjunum í framlengingu þá sáu Andrea og félagar aldrei til sólar að þessu sinni.
Leikmenn Skara skoruðu sex fyrstu mörk leiksins og níu af fyrstu 10. Kristianstad-liðið var slegið út af laginu og náði sér aldrei á strik.
Skara var með 11 marka forskot að loknum fyrri hálfleik. Liðið tekur nú sæti í undanúrslitum en Kristianstad er úr leik.
Andrea skoraði tvö mörk í þremur tilraunum og átti eina stoðsendingu.
- Auglýsing -
