Vlado Šola t.v. á blaðamannafundi í gær þegar tilkynnt var um ráðningu hans í byrjun vetrar. Mynd/RK Zagreb

Vlado Šola hefur axlað sín skinn sem þjálfari króatíska meistaraliðsins RK Zagreb. Hann tók hatt sinn og staf í gærkvöld eftir enn eitt tap liðsins í fyrrakvöld í Meistaradeild Evrópu. Šola var aðeins fjóra mánuði í starfi en undir hans stjórn tapaði liðið hverjum leiknum á fætur öðrum en það hefur ekki unnið leik í Meistaradeild Evrópu á leiktíðinni en hinsvegar tapað 11 sinnum. Tap fyrir Arnóri Atlasyni og félögum í Aalborg Håndbold á fimmtudagskvöldið var kornið sem fyllti mælinn.

Ivica Obrvan, sem í vikunni var ráðinn landsliðsþjálfari karla í Bosníu, tekur við starfi Šola sem er þjóðhetja í Króatíu enda markvörður í sögufrægu landsliði Króata sem varð heimsmeistari fyrir 18 árum. Forveri Šola var önnur þjóðhetja, Igor Vori. Hann staldraði einnig stutt við í starfi.

Atvinnuöryggi þjálfara er lítið hjá RK Zagreb. Šola er ellefti þjálfarinn sem er látinn taka pokann sinn hjá liðinu á fimm árum eins danski handknattleiksmaðurinn Rasmus Boysen benti á, á Twittersíðu sinni í gærkvöld.

- Auglýsing -

Nýjustu fréttir

Molakaffi: Sigur hjá Daníel Frey, Porto tekur númer 1 úr umferð, naumt tap

Daníel Freyr Andrésson varði 8 skot og var með 33 % markvörslu þann tíma sem hann stóð í marki Guif í gærkvöld...

Harðarmenn gáfu Kríunni ekkert eftir

Leikmönnum Harðar á Ísafirði vex fiskur um hrygg með hverjum leiknum sem þeir leika í Grill 66-deild karla í handknattleik. Þeir hafa...

Enn einn stórsigur HK

HK-liðið hefur verið á sigurbraut um nokkurt skeið í Grill 66-deild karla í handknattleik. Á því varð engin breyting í kvöld þegar...
- Auglýsing -