Styttist í svar frá mótanefnd

Mynd/ J.L.Long

Róbert Geir Gíslason, framkvæmdastjóri Handknattleikssambands Íslands, segir að ekki sé útilokað að mótanefnd HSÍ úrskurði í erindi Vængja Júpiters áður en vinnuvikan verður á enda. Róbert sagði við handbolta.is í morgun að beðið væri greinargerðar frá Handknattleiksdeild Harðar vegna málsins. Mótanefnd getur tekið erindið fyrir þegar greinargerðin verður í húsi.


Forsvarsmenn Vængja Júpiters hafa farið fram á að mótanefnd úrskurði þeim sigur í leiknum gegn Herði sem fram fór á síðasta laugardag með þeim rökum að Hörður tefldi fram leikmanni sem ekki var skráður á leikskýrslu. Reyndar komst málið upp meðan á leiknum stóð og leikmanninum var vísað af leikvelli með rautt spjald eftir skamma þátttöku. Hörður vann leikinn með sex marka mun, 35:29.


Bæði félög sendu frá sem tilkynningar vegna málsins á mánudaginn. Hægt er að kynna sér þær hér að neðan.

- Auglýsing -

Nýjustu fréttir

- Auglýsing -