- Auglýsing -

Styttist umspilsleikina fyrir HM2023 – dregið síðdegis

Það kemur í ljós síðla í apríl hvort íslenska landsliðið kemst inn á HM á næsta ári. Mynd/Hafliði Breiðfjörð

Síðdegis í dag verður dregið í umspilið fyrir heimsmeistaramótið í handknattleik. Umspilið fer fram í tveimur skrefum. Íslenska landsliðið tekur þátt í seinni hlutanum sem gert er ráð fyrir að fari fram 13. og 14. apríl og 16. og 17. sama mánaðar. Þá verður íslenska landsliðið í efri styrkleikaflokki og dregst gegn liði sem vinnur fyrsta stig umspilsins sem fram fer eftir miðjan mars.


Dregið verður í báðar umferðir umspilsins í dag í Búdapest.


Í fyrsta lagi verður dregið í umspilið sem fram fer eftir miðjan mars. Þar verða í neðri styrkleikaflokki landslið sem unnu forkeppni sem stóð yfir í nokkrum riðlum fyrr í þessum mánuði. Í efri flokkum verða landslið sem voru á meðal þeirra neðstu á Evrópumótinu í Ungverjalandi og Slóvakíu.


Í efri flokknum verða:
Austurríki, Bosnía, Hvíta-Rússland, Litáen, Norður-Makedónía, Portúgal, Úkraína, Slóvakía, Slóvenía.

Í neðri flokknum:
Belgía, Eistland, Færeyjar, Finnland, Grikkland, Ísrael, Ítalía, Rúmenía, Sviss.

Eitthvað af þessum átján landsliðum verður andstæðingur íslenska landsliðsins í umspilinu.

Sigurliðin úr umspilskeppninni dragast á móti Íslandi og fleirum sem voru í efri hluta á EM, sætum sex til fjórtán. Það eru:


Króatía, Tékklandi, Þýskaland, Ungverjaland, Ísland, Svartfjallaland, Holland, Serbía og Rússland.


Í grófum dráttum kemur í ljós síðdegis hverjir geta orðið andstæðingar íslenska landsliðsins í umspilskeppni um sæti á HM sem fram fer í Póllandi og Svíþjóð eftir ár.

- Auglýsing -
- Auglýsing -

Nýjustu fréttir

- Auglýsing -