Sú sænska semur við ÍBV til tveggja ára

Lina Cardell verður áfram hjá ÍBV eftir að hafa leikið með liðinu frá áramótum og fram á sumar. Mynd/ÍBV

Lina Cardell, sem kom til ÍBV á láni í janúar frá Savehof í Svíþjóð, hefur gert nýjan tveggja ára samning við handknattleiksdeild ÍBV.

Cardell er öflugur örvhentur hornamaður sem náði sér afar vel á strik í sterku liði ÍBV sem tapaði með minnsta mun fyrir Íslandsmeisturum KA/Þórs í oddaleik í undanúrslitum Olísdeildarinnar í lok maí.

„Við erum ánægð að hafa tryggt okkur krafta Linu áfram en það er mikilvægt á þeim spennandi tímum sem eru framundan hjá félaginu,“ segir m.a. í tilkynningu frá handknattleiksdeild ÍBV í dag.

- Auglýsing -

Nýjustu fréttir

- Auglýsing -