Sverrir ráðinn þjálfari Fjölnis

Sverrir Eyjólfsson, nýráðinn þjálfari karlaliðs Fjölnis. Mynd/Fjölnir

Sverrir Eyjólfsson, fyrrverandi leikmaður Stjörnunnar, var í kvöld ráðinn þjálfari Fjölnis í meistaraflokki karla. Hann tekur við af Guðmundi Rúnari Guðmundssyni sem lét af störfum eftir að leiktímabilinu lauk á dögunum.


Þetta verður fyrsta starf Sverris við þjálfun meistaraflokks en hann hefur í gegnum tíðina þjálfað yngri flokka hjá Stjörnunni, en einnig ungmennlið karla og kvenna.


Sverrir lagði keppnisskóna á hilluna eftir keppnistímabilið í vor.


„Fjölnir býður Sverri hjartanlega velkominn til félagsins og óskar honum velgengni í starfi sínu sem þjálfari liðsins,“ segir í tilkynningu frá handknattleiksdeild Fjölnis þar sem þess er jafnframt getið að frekari fregna sé að vænta á næstunni af leikmannamálum liðsins.


- Auglýsing -

Nýjustu fréttir

- Auglýsing -