Andri Þór Helgason, fyrirliði Gróttu hefur framlengt samning sinn til tveggja ára. Mynd/Egill Bjarni Friðjónsson

„Þetta er svolítið sama uppskriftin í fyrstu leikjunum okkar. Við erum að leiða nánast allan leikinn en við erum ekki að ná að klára leikina með sigri,” sagði Arnar Daði Arnarsson, þjálfari karlaliðs Gróttu við handbolta.is eftir jafntefli liðsins við KA, 25:25, í KA-heimilinu í kvöld í 3. umferð Olísdeildar karla.

Þetta var annað jafntefli Gróttuliðsins í röð eftir að það tapaði naumlega fyrir Haukum með eins marks mun í fyrstu umferð. Í dag tryggði Birgir Steinn Jónsson Gróttu annað stigið undir lok leiksins.

„Við þurfum að halda áfram að skoða okkur og hvað við getum bætt til að sigrarnir fari að detta. Það er ekkert launungarmál að við erum að slípa okkur saman og með marga nýja leikmenn og sumir hverjir að spila í deild þeirra bestu í fyrsta skipti. Við verðum því að vera þolinmóðir í okkar vinnu. Takist það þá er ég viss um að sigrarnir fara detta inn.

Það sem ég tek úr þessum leik er að við brotnum ekki í lokin þrátt fyrir að lenda undir og það ber að hrósa strákunum fyrir það,” sagði Arnar Daði Arnarsson, þjálfari karlaliðs Gróttu við handbolta.is í kvöld.

- Auglýsing -

Nýjustu fréttir

- Auglýsing -