Marta Wawrzynkowska, markvörður ÍBV, að verja vítakast í leik við KA/Þór. Mynd/Egill Bjarni Friðjónsson

Handknattleikskonurnar Karolina Olszowa og Marta Wawrzynkowska hafa gert nýjan eins ár samning við Handknattleiksdeild ÍBV. Báðar eru þær á sínu öðru tímabili með ÍBV-liðinu.


Olszowa hefur farið vaxandi í sóknarleik ÍBV á keppnistímabilinu auk þess að vaxa fiskur um hrygg við varnarleikinn. Hún hefur skoraði 16 mörk í 12 leikjum ÍBV-liðsins í Olísdeildinni.

Karolina Olszowam númer 15, að senda boltann til Elísu Elíasdóttur á línunni í leik gegn KA/Þór. Mynd/Egill Bjarni Friðjónsson


Wawrzynkowska hefur varið að meðaltali tæp 11 skot í leik og með 36,5% hlutfallsvörslu í þeim 12 leikjum sem eru að baki Olísdeildinni.


„Þær hafa komið vel inn í liðið okkar ásamt því að hafa aðlagast lífinu í Eyjum vel. Við erum mjög ánægð með að hafa tryggt okkur krafta þeirra áfram næsta tímabil, hið minnsta,“ segir í tilkynningu handknattleiksdeildar ÍBV.

- Auglýsing -

Nýjustu fréttir

- Auglýsing -