Teitur Örn Einarsson er sagður vera á leið til þýska stórliðsins Flensburg. Mynd/IFK Kristianstad - Kimme Persson Fotograf, Studio 11

Teitur Örn Einarsson er sagður vera á leið til þýska stórliðsins Flensburg samkvæmd heimildum Kristianstadbladet. Eins og handbolti.is greindi frá fyrr í dag þá hefur sænska liðið IFK Kristianstad skýrt frá því að stórskyttan frá Selfossi hafi leikið sinn síðasta leik fyrir félagið. Hann var ekki í leikmannahópi IFK Kristianstad sem mætti Alingsås í dag í sænsku úrvalsdeildinni.


Kristianstadbladet greinir frá því á vef sínum seinni partinn í dag að það hafi heimildir fyrir að Teitur Örn sé á leið til Flensburg.

Sé þetta rétt má telja fullvíst að Teitur Örn verði kynntur fljótlega til sögunnar hjá félaginu því Flensburg vantar sárlega örvhenta leikmenn. Þeir hafa helst úr lestinni hver á fætur öðrum síðustu vikur, þar á meðal Magnus Röd og Franks Samper.

- Auglýsing -

Nýjustu fréttir

- Auglýsing -