Telma bætist í hópinn í Kaplakrika

Telma Medos t.h. og Ásgeir Jónsson formaður handknattleiksdeildar FH. Mynd/FH

Handknattleikskonan Telma Medos hefur ákveðið að yfirgefa HK og ganga til liðs við FH sem leikur í Grill66-deildinni. Telma er fædd árið 2003 og hefur verið viðloðandi yngri landslið Íslands. Hún leikur í stöðu línumanns en þykir einnig vera traust í vörninni.

Telma lék 17 leiki með ungmennaliði HK í Grill66-deildinni á nýliðnu keppnistímabili og varð Íslandsmeistari með 3. flokki á síðasta laugardag.


„Telma Medos er efnilegur línumaður sem á framtíðina fyrir sér. Við erum mjög ánægð að fá hana í FH. Telma ætlar sér langt og hefur metnaðinn og viljann til að bæta sig ennfrekar. Umhverfið hjá FH heillaði hana. Telma er ein af þeim leikmönnum sem eru að ganga til liðs við FH þessar vikurnar sem FH bindur miklar vonir við til framtíðar. Við ætlum okkur að byggja upp gott lið sem á erindi í Olísdeildina á næstu árum. Það er allt til alls hjá FH og framundan spennandi tímar í Kaplakrika,“ er haft eftir Ásgeiri Jónssyni formanni handknattleiksdeildar FH í tilkynningu.

a>
- Auglýsing -

Nýjustu fréttir

- Auglýsing -