Frá einum af leikjum Selfoss-liðsins í haust áður en keppni í Grill 66-deildinni var frestað. Mynd/Selfoss

Þrír erlendir leikmenn sem léku með kvennaliði Selfoss í haust fengu leyfi á dögunum til að fara heim og taka sér hvíld frá ástandinu á Íslandi. Þeir eru hinsvegar væntanlegir aftur um leið og rofar til og hillir undir að keppni hefjist aftur á Íslandsmótinu. Ekki hefur verið leikið í Grill 66-deild kvenna síðan í lok september.


Um er að ræða Henriette Ostergaard, sem er markvörður, Ivana Raikovic og Lara Zidek frá Króatíu og Svartfjallalandi. „Þær fóru út um síðustu helgi,” sagði Örn Þrastarson, þjálfari Selfoss-liðsins, við handbolta.is.

„Þær bíða ástandið af sér heima og koma aftur. Þar geta þær þó æft almennilega. Þar af leiðandi er þó einhver hluti liðsins að æfa. Ekki er mikið að gera fyrir handboltafók hér á landi við að æfa úti frosti eins og staðan er hjá okkur,” sagði Örn Þrastarson, þjálfari kvennaliðs Selfoss.

- Auglýsing -

Nýjustu fréttir

- Auglýsing -