Þiggjum stigið með þökkum

FH-ingurinn Einar Rafn Eiðsson sækir að Hafþóri Má Vignissyni, leikmanni Stjörnunnar í Kaplakrika í gærkvöld. Mynd/J.L.Long

„Úr því komið var þiggjum við stigið með þökkum enda vorum við marki undir þegar fimm sekúndur voru eftir,“ sagði Einar Rafn Eiðsson, leikmaður FH,í samtalvi við handbolta.is eftir jafntefli, 30:30, í við Stjörnuna í háspennuleik í Olísdeild karla í Kaplakrika í gærkvöld. Einar Örn Sindrason jafnaði metin fyrir FH á síðustu sekúndu leiksins eftir að Stjörnumenn höfðu tapað boltanum í lokasókn sinni.


„Mér fannst varnarleikur okkar ekki vera nægilega góður að þessu sinni. Það var eins við værum alltaf að klikka á sama atriðinu í stað þess að læra af mistökunum. Við brugðumst ekki við í samræmi við það sem lagt hafi verið á ráðin með. Það er ekki nóg að tala um þetta hlutina. Það þarf að gera hlutina,“ sagði Einar sem sagði sóknarleik FH hafa verið viðundandi.

„Þrjátíu mörk eru í lagi en við hefðum mátt kítta betur upp í veikleikana í vörninni hjá okkur,“ sagði Einar Rafn Eiðsson sem skoraði fimm mörk í leiknum.

a>
- Auglýsing -

Nýjustu fréttir

- Auglýsing -