Botn fæst væntanlega fyrir helgina í kærumál Stjörnunnar vegna leiks liðsins KA/Þór. Mynd/Egill Bjarni Friðjónsson

Þinghald verður í dag hjá dómstól Handknattleikssambands Íslands þar sem tekin verður fyrir kæra Stjörnunnar á framkvæmd leiks Stjörnunnar og KA/Þórs í Olísdeild kvenna sem fram fór í TM-höllinni laugardaginn 13. febrúar.


Eins og kom fram á handbolti.is þá var mark oftalið á lið KA/Þórs í fyrri hálfleik. KA/Þór vann viðureignina, 27:26, og réði þar með draugamarkið talsverðu um framvindu og niðurstöðu leiksins.


Munnlegur málflutningur verður fyrir dómstólnum í dag. Liðin tvö auk HSÍ hafa fyrir nokkru skilað inn greinagerðum vegna málsins.


Vonir standa til þess að niðurstaða liggi fyrir hjá dómstólnum fyrir helgina.

- Auglýsing -

Nýjustu fréttir

- Auglýsing -