Þórir: Óttinn var meiri en þráin í að vinna

Norsku konurnar ærðust af gleði þegar sigurinn á Dönum var í höfn í kvöld og sæti í úrslitaleik EM lá fyrir. Þórir Hergeirsson, þjálfari, brosir að baki þeirra. Mynd/EPA

„Í fyrri hálfleik var óttinn við að tapa meiri en þráin til að vinna,” sagði Þórir Hergeirsson, landsliðsþjálfari Noregi í samtali við norska sjónvarpið í kvöld eftir að lið hans kollvarpaði leik sínum í síðari hálfleik gegn Dönum í undanúrslitum EM kvenna í handknattleik í Danmörku. Eftir að hafa verið þremur mörkum undir í hálfleik, 13:10, þá sigraði norska liðið í leiknum með þriggja marka mun, 27:24, og vann semsagt með sex marka mun.

„Ég einfaldlega spurði stelpurnar að þessu í hálfleik og þær svöruðu,” sagði Þórir ennfremur strax eftir leikinn í kvöld. Norðmenn mæta Frökkum í úrslitaleik EM á sunnudaginn. Viðureignin hefst klukkan 17.

- Auglýsing -

Nýjustu fréttir

- Auglýsing -