Þórsarar fara ekki suður á laugardaginn

Mynd/Egill Bjarni Friðjónsson

Ekkert verður af því að leikmenn Þórs frá Akureyri komi í bæinn á laugardaginn og leiki við ungmenalið Hauka í Grill66-deild karla. Smit mun vera komið upp í herbúðum Hauka og hefur viðureigninni verið frestað af þeim sökum, eftir því sem fram kemur í tilkynningu frá HSÍ.

Toppslagurinn saltaður

Þetta er alls ekki fyrsti leikurinn í vikunni í Grill66-deild karla sem verður að slá á frest. Efsta lið deildarinnar, ÍR, átti að taka á móti liðinu í þriðja sæti, Fjölni, í Austurbergi í kvöld. Vegna covid smita var leiknum frestað um óákveðinn tíma.

Sömu sögu er að segja af viðureign ungmennaliða Vals og Selfoss í Grill66-deildinni sem að öllu jöfnu hefði farið fram í kvöld. Veirusmit varð þess valdandi að ekkert verður af viðureign liðanna að sinni.

- Auglýsing -

Nýjustu fréttir

- Auglýsing -