Illa gengur að koma leikjum á dagskrá með kvennaliði HK í Olísdeildinni. Í dag varð í þriðja sinn að fresta leik með liðinu. Að þessu sinni er það viðureign HK og Stjörnunnar sem fram átti að fara á miðvikudaginn. Mótanefnd HSÍ segir í tilkynningu að vegna covid smita verði að fresta leiknum um óákveðinn tíma.
Áður hefur viðureign ÍBV og HK og HK og KA/Þórs verið frestað af sömu ástæðum og fyrr. Síðast lék HK liðið í Olísdeildinni gegn Fram 11. desember.
Mótanefnd er sem betur fer ekki aðeins að fresta leikjum þessa dagana. Nýir leikdagar eru að spretta fram fyrir leiki sem varð að fresta fyrr í mánuðinum. M.a. hefur verið ákveðið að viðureign Fram og Aftureldingar í Olísdeild kvenna, sem frestað var á dögunum, fari að öllu forfallalausu fram á miðvikudagskvöld í Framhúsinu. Flautað verður til leiks klukkan 19.30.
Stöðuna í Olísdeild kvenna er að finna hér.
